Labels

accent adbusters advertisement aimee chan 陳茵媺 air conditioner al gore alien animal apple armani art art student owl association attraction barbara kruger bbpp beauty blogging brand britain browser bruce lee business campaign cantonese 廣東話 celebration cello chanel chewing gum chinese christmas civilisation comforting words computer concept consumption copyright copywriting cosmetics creation death democracy design diamond diary disney drawing dream drink drug e-book device earth hour edison chen 陳冠希 education egg of columbus eggette 雞蛋仔 eminem emperor 英皇 english epson etsy facebook family fashion female filial finance flensburger flight of the conchords food forever alone france fuuu gender germany gift gill gates global warming globalization gogol bordello google graphics grayson perry greenpeace guggenheim happiness hkcee hong kong 香港 howcanipick human humour idn illness imperfection inception ipad iphone japan kanye west killing kirin lanvin LG liberation life logo lord inglip love magazine magic trackpad mail art management manipulation money moral movie mozilla music news newspaper objectification olympus olympus pen EPL2 paraconceptual parknshop paypal peace philosophy planet earth plato form politics practical joke preconception product project pronunciation race readymade real estate recycle religion ruby news rumour sapporo science scmp self sex sharing shitbrix sight sleep sophie calle sotheby's source stella artois stephen hawking stephen king stradivarius sui jianguo 隋建國 suicide taifook securities 大福證券 ted television terence koh the body shop the diary the java 渣華道98號 the l word tiffany and co tobias wong toilet tracey emin truth tshirt twitter TWONTW universe useless conversation vegetarian violin waitrose wallpaper waste watsons water wife cake windows 95 wish y u no

Archive

Wednesday, February 7, 2007

The Cross-section Of Our World


text and image originally posted at howcanipick 2004


港隊銀,大家都講著港隊銀,根著就係"證明香港運動員係得既!"---米住,佢地FROM國家隊既borr,呢個功勞歸何處?
呢個問題就好似中國(或其他國家)運動員去左第二度結果果個國家贏左,又或者中國人(或其他人)去左第二度(先)成功,響前一情況好難話係唔係贏左國家既 成績,響後一情況好難話係唔係果個人既民族既成績.咁都好似好多"成功 "(一般黎講,宜家唔深究咩係成功)既香港人,睇一睇,原來當中好多都係響外國讀過書,咁點算?好唔好話係"香港之光"呢?
再耐d以前,響每個國家同其他國家都無乜溝通,無乜認識既時候,我相信,每個國家果時既成績係可以歸於自己既,但係一有交通,一有來往,各自既知識一有交流,就好難界定.國家A學左國家B既文化、知識、歷史等強大左,你話係A靠B,其實A自己無咁既能力好丫,定係話A懂得吸收利用,好醒目好呢?當中仲牽涉好多其他因素,再多d唔講喇,你地諗下啦喜歡就(我就黎寫倒篇論文...).將呢個個案擴大,就成左宜家既世界,包含既問題性質一樣,只係複雜化左.要區分好難,其實係無可能區分,所以對我黎講無須對此作界定,一個人成功就係成功,無須爭著話係自己人.
睇下幅圖,每一por植物代表一個個體,可以係一個人,一個社會,一個國家,甚至程度提升既時候可以係一個星球,意思繼續伸延.呢d植物一群群響箱裡面, 可以當係以前既世界,亦可以當係(宜家同以前)好多人睇人種既情況,分得好開,區得好清,而佢地"出左黎",擺埋一糰,就代表有資訊交通運作既世界,雖然響唔同既地方,但係根部可以吸收到各方既資源,風會吹,地會轉,水會流,得到既可以係差唔多.呢個亦將會/應該係世界既趨勢,致於人點觀察,始終有距離.
李白,頂級中國詩人,但係佢應該有d外國血統,李小龍,正義中國人既象徵,但係佢有d外國血統,如果佢地無外國基因,可能未能發揮才能(當然,如果係都無佢地,只不過講下),但係宜家個個都仍然將佢地視為中國既偉人喎.再講"香港"頂級既攝影師杜可風,根本唔係中國人,但係人話佢係香港既,感到驕傲.我宜家唔係話唔值得驕傲,又唔係話應為此驕傲,而係話血統、國 籍、住既地方,可以當做係一個人既附帶因素,係佢既身份,雖然同形成佢有一定既關係,但係無須太過標注住呢個所謂既身份,因為當中既含意係唔實在既.就好似上面,既然佢地都認為自己係中國人,從資料講佢地唔係有無意思?當佢唔係既時候,強話係你既都無意思.
其實真係好難分,最簡單,你地係中國人,但係讀既係英文,周圍都係西方文化,吸收左,你話你係以西方模式思考定係東方模式思考?如果唔係以東方模式算唔算係中國人?但係咩係東方模式?咩係 西方模式?保守/開放之分?定係點?諗唔倒?因為無固定答案.再諗,其實人根本就係每個都有同,有唔同,中國人同中國人既相同同分別,可能同中國人同外國 人既相同同分別差唔多.理想應該將每個人睇做係地球人,唔執著其國家,不過看待單一人既時候,則當係一個個體睇.當然,自然反應絕對與此對立.
宜家並唔係將身份既定義模糊,你係咩人就係咩人,只不過響思想層面,可以探究一下,我講左咁多,其實都唔係幾清楚,不過點都好,無須執著, 大家都係人.

No comments:

Post a Comment